شاته
غزل
هيلې يې څنګه په موجونو کې ايسارې کړلې
هيلې يې څنګه په موجونو کې ايسارې کړلې
زما تصويره بيا چا رسم په هندارې کړلې
څه په نه زړه مې تاته وکړلو اظهار د مينې
څه مقدسې کليمې مې ګنهګارې کړلې
دومره مې ځان د محبت په لمبو وسېزلو
ستا د وعدو خاورې مې ځان باندې امبارې کړلې
څه په لټون لټون مې خدايه اخېر وموندلې
د محبت غوټې مې وګوره هوارې کړلې
عيانه! يم به ګنهګار د محبت او که نه؟
چې مې خطا درنه په عشق کې خپلې لارې کړلې